SEPTEMBER 2014 ARTICLE 4

MDS NEWSLETTER

Date Issued: September 2014

AMBULANSYA AT MOTOR MULA KAY
 CONGRESSMAN JON-JON

                                                                                                                                                                                                                                                                                                                                    

        “Sa pamamagitan ng ambulansya at mga motorsiklong ito mas mabilis ang responde ng mga nangangalaga sa kapayapaan at kalusugan sa lunsod ng Trece Martires”, saad ni Congressman Jonjon Ferrer, ang kinatawan sa Kongreso ng ika—6 na Distrito ng Cavite sa Flag Raising Ceremonies noong ika-29 ng Setyembre, 2014.

        Limang motorsiklo na may sidecar at isang ambulansya ang binigay ng kongresista sa Lunsod ng Trece Martires na masayang tinanggap ni Mayor Melan De Sagun noong Lunes ng umaga.

        Ang lumalaking populasyon ng lunsod ay nagdala ng kaakibat na dagdag na kinakailangang serbisyo para sa kalusugan at matinding hamon sa pananatili ng seguridad at kapayapaan sa lunsod.

       Batid ni Congressman Ferrer at ni Mayor Melan na ang mga kaso ng krimen sa mga nagdaang panahon at  patuloy na tumataas bugso ng patuloy na pagdating ng mga bagong residente ng lunsod sa mga relocation areas partikular sa ika-6 na distrito.

        Ayon sa ABC Federation President na si Kap. Romeo Monthermoso, ang mga nasabing sasakyan ay lubos na pakikinabangan ng lunsod. Ang kanilang pasasalamat ay pinabatid nila kay Congressman Ferrer sa munting salo-salo na ginanap sa tanggapan ng punong lunsod matapos ang programa.

      (Unang larawan mula sa taas) Ang pagtanggap ng donasyon mula kay Cong Ferrer ay ginampanan ni Mayor Melan De Sagun at mga kapitan ng 13 barangay ng lunsod.

     (Ikalawang larawan) Mismong si Mayor Melan at si Cong. Ferrer ang naginspekston sa isa sa motorsiklo sa katuwaan ng mga kawani ng lunsod.

     (Ikatlong larawan) Ang donasyong ambulansya ay tunay na napapanahon dahil sa dumaraming kaso ng pangangailangang medikal ng mamamayan ng lunsod.

SEPTEMBER 2014 ARTICLE 3

MDS NEWSLETTER
Date Issued: September 2014

PROVISION OF HOT MEAL

      “Malusog na kabataan ay kayamanan ng isang lunsod”, ani ni   Konsehal Lito Villanueva sa pagpapakain na handog ng Provision of Hot Meal para sa Day Care Supervised Neighborhood Play (SNP) sa Barangay Aguado mula sa DSWD Region IV-A noong ika-15 ng Setyembre, 2014 hanggang ika-13 ng Marso, 2014.

     Sa kabuuan 3,595 na bata sa lunsod ang benepisyaryo ng programang ito. 305 ay mga malnourished children na hindi naka-enroll sa alin mang 40 Daycare ng lunsod. Layon ng programang ito na mabawasan at sa huli ay masugpo ang malnutrisyon sa mga bata edad 3 hanggang 5 na kasalukuyan ay nasa Day Care Program pati na rin ang hindi naka enroll dito. Ang pagpapakain ay isasagawa sa loob ng 120 araw.

      Ayon sa huling tala ng City Nutrition Division Office patuloy ang pagdami ng mga batang malnourished sa lunsod bunsod sa pagdating ng mga bagong residente mula sa Metro Manila at karatig bayan.

     Ang mga barangay ng Hugo Perez, Cabezas, De Ocampo at Osorio ang tanging barangay na may Supervised Neighborhood Play (SNP) na inaalagaan ng City Nutrition Office.

     Isang malaking hamon ang pangangalaga sa kalusugan ng mga   bata at ng kanilang pamilya para sa pamahalaang lunsod. Malaki ang tulong na ibinaba ng national government sa pamamagitan ng DSWD sa pagtugon sa mga hamon na ito lalo na sa Trece Martires City.

SEPTEMBER 2014 ARTICLE 2

MDS NEWSLETTER

Date Issued: September 2014

  118th DEATH COMMEMORATION OF 

THE THIRTEEN MARTYRS OF CAVITE

        “Isang malaking tulong ang para sa kalikasan at sa kinabukasan ang inyong pakikilahok sa RUN FOR NATURE” ng JCI Trece Martires City “Quintana”, saad ni Jojo Bragais ang Pangulo ng JCI sa lunsod sa pagbubukas ng 118th Death Anniversary ng Thirteen Martyrs of Cavite.

        Ang Fun Run ay dinayo ng mga amateur at professional runners mula sa ibat ibang bahagi ng lalawigan. Para sa mga kabataang lumahok naging bahagi ito ng kanilang programa upang manatili ang kalusugan ng katawan.

     Sa huling tala ng JCI Trece Martires City Quintana nagkaroon ng 415 na mananakbo na karamihan ay kabataang Treceno.

        Ang ruta ng Fun Run ay mula sa City Hall patungo sa Pamilihang Panlunsod, Capitol Grounds, BIR Waltermart at pabalik sa Bantayog ng Labintatlong Martir ng Cavite.

         Mga larawan mula sa taas: Ang mga mananakbo sa hudyat ng simula ng Fun Run. (Larawan sa Kaliwa) Si Jojo Bragais ang  Pangulo ng Trece Martiires City Quintana Jaycees sa kanyang talumpati. (Larawan sa Kanan) Isang talonng kaligayahan sa matagumpay na Fun Run. (Larawan mula kay G. Mario Guy ng Trece Photography Club).

        Ang mga natatanging mag-aaral ng Eugenio Cabezas Highschool sa kanilang pagganap sa pagsasadula ng litis at kamatayan ng 13 Martir ng Kabite.

        Pagbalik tanaw sa pamamagitan ng pag alay ng bulaklak at pagpapalipat ng mga lobo para sa 13 Martir ng Cavite.

        Si Mayor Melan De Sagun kasama ang ilang miyembro ng Sangguniang Panlunsod sa paggunita sa kabayanihan ng 13 Martir ng Cavite

        Ang pagpapahalag at pagpupugay sa ating watawat ay ginampanan ng mga miyembro ng Free & Accepted Mason of the Philippines—Trece Martires City Chapter.

Extemporaneous Speech (Talumpatian) & Essay Writing (Malalim na pagsusulat)  Competition Year 2

       Isa sa mga inantabayanan ng mga estudyante sa ika 118th Kamatayan ng Labintatlong Martir  ng Cavite ay ang “extemporaneous speech” o talumpatian at “essay writing” o malalim na pagsusulat na ginanap ng ala-una hanggang alasingko ng hapon.

       Ang talumpatian ay nilahukan ng labing-apat na estudyante sa elementarya at sampu sa secondary na nagmula sa pribado at pampulikong paaralan na ginanap sa City Hall lobby na ang mga hurado ay sina G. Franco B. Pelayo, Gng. Lizz abeleen S. Cubo at Eng`r Bienvenido B. Garcia. Samantala ang malalim na pagsusulat ay nilahukan naman ng labinganim sa elementarya at labingisa sa secondarya na nagmula din sa pribado at pampublikong paaralan na ginanap sa  session hall na ang mga hurado ay sina Gng. Maria Alma S. Ojeda, Gng. Lei Kristel Lontoc  at G. Joselito M. Quintana.

      Ang mga nanalo ay nakatanggap ng isang Php 1,500 , Php 1,000 naman sa  ikalawang posisyon at Php 500 sa ikatlo at mga medalya na nagmula sa ating Punong Lunsod.

Extemporaneous Speech

Essay Writing

SEPTEMBER 2014 ARTICLE 1

MDS NEWSLETTER

Date Issued: September 2014

CBMS PARA SA KAUNLARAN

        Si Mayor Melan De Sagun (nakaputi sa gitna) kasama ang buong pwersa ng CPCDO sa pamumuno ni G. Ambeth Ararao at mga enumerators ng CBMS.

       “Ang patuloy na pagtugon sa lumalaking pangangailangan ng ating mamamayan ay kaakibat ng  patuloy na paglago ng  ating Lunsod. Kailangan natin ng tunay at sapat na impormasyon mula sa bawat isang residente upang ang ating mga gawain ay naayon sa mga pangangailangang nila sa ngayon.” Ito ang layunin ni Mayor Melan De Sagun sa simula ng pagsasanay ng mga enumerators para sa Community Based Monitoring System (CBMS) Training noong ika Setyembre 26, 2014.

        Ang CBMS ay nangangailangan ng 142 na tagakalap ng impormasyon mula sa bawat pamilya sa lunsod na tinatawag na enumerators para sa bawat barangay Nagsisimula ang pangangalap ng impormasyon sa ika-6 ng Oktubre, 2014. Ang CMBS ay pinagtibay ng isang Memorandum of Agreement (MOA) sa pagitan ng DILG at ng Pamahalaang Lunsod sa katauhan nila DILG Regional Director Jesefina E. Castilla-Go at ni Mayor Melan De Sagun na pinirmahan noong ika 13 ng Enero 2014. Sinundan ito ng Executive Order No. 04 na pinagtibay noong ika-22 ng Hulyo na nagbalangkas sa layunin, kasapi at mga gawain ng CBMS para sa lunsod.

        Inaasahan na ang 167 tala ng katanungan para sa bawat pamilya ay makapagbibigay ng maagap, tapat at tunay na kalagayan ng bawat Treceno sa lunsod. Ang impormasyong ito ang mahalagang bahagi ng paggagawa ng plano para sa programa ng gobeyrno upang labanan ang kahirapan at masigurado ang kalusugan ng bawat pamilyang Treceno.

Ang mga pagsasanay ay pinamunuan ni Gng. Maria Melita O. Villaruel ang LGOO V ng DILG-Cavite at tinagurian ding Technical CBMS Expert.

AUGUST 2014 ARTICLE 4

MDS NEWSLETTER

Date Issued: August 2014

NATIONAL HEROES DAY

         National Heroes' Day is a national holiday of Philippines, celebrated to pay homage to the National Heroes of the country. Every year this day falls on the fourth Monday of    August.

            

            Initially National Heroes’ day was celebrated on 30th of November as it was the birthday of Andres Bonifacio, founder of the Katipunan. Later this day it was moved to the fourth Monday of August, to pay tribute to all other known or unknown men and women who sacrificed their lives for Philippine freedom.

         

             Philippines achieved its identity due to the noble deeds made by numbers of people, known as National Heroes. People of Philippines celebrate this day with a great enthusiasm. This is a perfect day to remember the life and work of all these great people.

AUGUST 2014 ARTICLE 3

MDS NEWSLETTER

Dated Issued: August 2014

BUWAN NG WIKA NG DAYCARE

          Ang Aklatang Panlalawigan ng Cavite ay muling nagdiwang ng Buwan ng Wika ngayong Agosto na may temang "Filipino: Wika ng Pagkakaisa". Sa pangalawang taon ay nakasentro ang mga pagdiriwang sa mga batang daycare ng Trece Martires City. Nagdaos ng patimpalak sa pag-awit at pagtula sa Wikang Filipino at ang Pinal na Pagtutunggali ay ginanap sa Provincial Gymnasium noong Agosto 29, 2014. Layunin nito na ipakita ang     natatanging talento sa pag awit at pagtula ng mga batang daycare sa murang gulang na 2.5 - 4.5 taon. Ang mga alituntunin ng patimpalak ay ang mga sumusunod: Legitimong mag aaral ng daycare sa Trece Martires, piyesa ay sa wikang Filipino, saliw ang piyano,   gitara o minus one at 3-4 minutong presentasyon hindi pa lumahok sa mga pambansang kumpetisyon. Ang mga mapalad na batang nagwagi ay sina: G. JEFFREY BAUTISTA -- Makata ng Taon (De Ocampo Daycare) G. NORAF FRANK GONZALES - First Prize - Pag-Awit (Southville 2 Daycare) G. APHRODITE MARFE -Second Prize-Pag Awit (GK - Sibol) BB. ELAISA DELA CRUZ - Third Prize-Pag-Awit (Ches 1 Daycare) Sila ay tumanggap ng      salapi, sertipiko at trophy mula kay bise gobernador Jolo Revila. Ang pagdiriwang na ito ay sa pamamahala ni Ginang Connie Villanueva-Katiwala ng Aklatan sa tulong ng maganda at masipag na si Mam Sonia na siyang nag emcee ng programa.

AUGUST 2014 ARTICLE 2

MDS NEWSLETTER

Date Issued: August 2014

SAKIT SA BALAT, HUWAG BALEWALAIN!

SA HEALTH CENTER MAGPATINGIN

          Ang ketong ay sakit sa balat na sanhi ng Mycobacterium Leprae. Ang mga palatandaan nito ay mga mantsa sa balat na maaring namumuti o  mamula, walang pakiramdamm, hindi pinagpapawisan, hindi tinutubuan ng balahibo at hindi gumagaling sa mga gamut na nakakahawa.

     Ang ketong ay hindi agad na nakakahawa. Hindi ito sanhi ng kulam, pagkapasma, pagkain ng karne ng hayop o gulay. Hindi rin ito parusa ng Diyos. Hindi ito namamana sa mga magulang o kamaganak. Hindi nito natatanggal ang mga daliri, tenga o ilong.

          Ang ketong ay nagagamot sa pamamagitan ng Multi-Drug Therapy (MDT) ang tagal ng gamutan ay depende sa dami ng sugat (Lesion) sa katawan.

       Ang MDT ay libre at makukuha sa ating Health Center, makipagugnayan sa telepono bilang (046) 41924-25 / 419-00-91 o    pumunta agad sa health center kung may kaduda-dudang mga sugat.